Dènye mizajou: 17 septanm 2026

1. Enfòmasyon nou kolekte

Sa ou ban nou dirèkteman

• Non ak siyati w
• Adrès imèl ou
• Nimewo telefòn oswa WhatsApp ou (si ou bay li)
• Enfòmasyon faktirasyon pou kòmand ou yo
• Nimewo tranzaksyon MonCash, NatCash oswa bank lè ou fè yon peman manyèl
• Mesaj ou voye ban nou nan fòmilè kontak la

Sa sistèm nan kolekte otomatikman

• Adrès IP ak tip navigatè w
• Paj ou vizite ak tan ou pase sou yo
• Pwogrè w nan chak fòmasyon (ki leson ou fini)

2. Sa nou pa janm wè

Nou pa kenbe nimewo kat kredi ou. Peman kat ak PayPal pase dirèkteman nan men Stripe ak PayPal, ki gen pwòp sekirite ak sètifikasyon pa yo. Nou resevwa sèlman yon konfimasyon ke peman an pase.

3. Poukisa nou sèvi ak done sa yo

• Pou ba ou aksè ak fòmasyon ak fichye ou achte yo
• Pou konfime peman manyèl ou yo
• Pou voye ba ou imèl sou kòmand ou, sètifika w, ak sipò
• Pou reponn kesyon ou yo
• Pou amelyore kontni ak fonksyònman sit la

4. Ak ki moun nou pataje done yo

Nou pa vann done ou bay okenn moun. Nou pataje sa ki nesesè sèlman ak sèvis ki fè platfòm nan travay:

• Stripe ak PayPal — pou trete peman
• Hostinger — ebèjman sit la
• Google Analytics — estatistik vizit (done anonim)
• Otorite legal, si lalwa oblije nou

5. Konbyen tan nou kenbe done yo

Nou kenbe enfòmasyon kont ou toutotan kont lan louvri. Enfòmasyon faktirasyon yo rete pou rezon kontabilite ak legal. Si ou mande nou efase kont ou, n ap fè l nan 30 jou, sof pou sa lalwa oblije nou kenbe.

6. Dwa ou yo

Ou gen dwa mande nou: yon kopi done w yo, koreksyon yon enfòmasyon ki pa bon, efase kont ou, oswa sispann resevwa imèl maketing nou yo. Ekri nou nan kontak@kominote.online.

7. Sekirite

Sit la sèvi ak SSL sou tout paj yo. Modpas yo estoke chifre. Sepandan, okenn sistèm sou entènèt pa 100% enpenetrab — nou ankouraje w sèvi ak yon modpas solid epi pa pataje l.

8. Timoun

Sèvis la fèt pou moun ki gen 18 an oswa plis. Nou pa kolekte done timoun espre. Si ou se paran yon timoun ki kreye yon kont, ekri nou epi n ap efase l.

9. Kontakte nou

Kominote Online — 8366 NW 68th St, MCD-140851, Miami, FL 33195-2890
kontak@kominote.online — +1 829-620-9249